தமிழக அரசுப் பணியாளர் தேர்வாணையம் (TNPSC) நடத்தும் தேர்வுகளில், லட்சக்கணக்கான இளைஞர்களின் கனவுத் தேர்வாக இருப்பது குரூப் 4 (Group 4 & VAO).
கிராம நிர்வாக அலுவலர் (VAO), இளநிலை உதவியாளர் (Junior Assistant), வரி வசூலிப்பவர் (Bill Collector) மற்றும் நில அளவையர் (Field Surveyor) போன்ற மதிப்புமிக்க பதவிகளை அடைய இதுவே நுழைவுச்சீட்டு.
“TNPSC Group 4 தேர்வுக்கு எப்படித் தயாராவது?” என்பதுதான் இன்று பலரது கேள்வி.
முறையான திட்டமிடலும், சரியான வழிகாட்டலும் இருந்தால் முதல் முயற்சியிலேயே இத்தேர்வில் வெற்றி பெறுவது உறுதி.
இந்த பதிவில், பூஜ்ஜியத்திலிருந்து உங்கள் தயாரிப்பைத் தொடங்கி வெற்றி இலக்கை அடைவது எப்படி என்பதை விரிவாகக் காண்போம்.
எந்தவொரு போர்க்களத்திற்கும் செல்லும் முன், அந்தப் போரின் விதிகளைத் தெரிந்துகொள்வது அவசியம்.
அதேபோல, பாடத்திட்டத்தை (Syllabus) அறிந்துகொள்வதே முதல் படி.
மொத்த வினாக்கள்: 200 வினாக்கள்
மொத்த மதிப்பெண்கள்: 300 மதிப்பெண்கள்
கால அளவு: 3 மணிநேரம்
Negative மதிப்பெண்கள்: இல்லை
பொதுத் தமிழ் (General Tamil): 100 வினாக்கள் (மிக முக்கியமான பகுதி)
பொது அறிவு (General Studies): 75 வினாக்கள்
திறனறிதல் மற்றும் மனக்கணக்கு (Aptitude & Mental Ability): 25 வினாக்கள்
தற்போது கட்டாயத் தமிழ் மொழித் தகுதித் தேர்வு நடைமுறையில் இருப்பதால், தமிழ்ப் பாடத்தில் அதிக கவனம் செலுத்துவது உங்கள் ரேங்க் (Rank) பட்டியலைத் தீர்மானிக்கும்.
பாடத்திட்டத்தை ஆழமாகப் புரிந்து கொள்ளுதல் (Syllabus Analysis)
வெறுமனே புத்தகங்களை வரிசையாகப் படிப்பது புத்திசாலித்தனம் அல்ல.
பாடத்திட்டத்தைப் பிரித்து ஆரய வேண்டும்.
இலக்கணம், இலக்கியம், தமிழ் அறிஞர்களும் தமிழ்த் தொண்டும் என மூன்று பிரிவுகளாகப் பிரிக்கப்பட்டுள்ளது.
இதில் 6-ஆம் வகுப்பு முதல் 12-ஆம் வகுப்பு வரையிலான புதிய சமச்சீர் பாடப்புத்தகங்கள் மிக முக்கியம்.
அறிவியல், இந்திய வரலாறு, புவியியல், இந்திய அரசியல், பொருளாதாரம் மற்றும் இந்திய தேசிய இயக்கம்.
இதில் ‘Unit 8’ (தமிழ்நாட்டின் வரலாறு மற்றும் பண்பாடு) மற்றும் ‘Unit 9’ (தமிழ்நாட்டின் வளர்ச்சி நிர்வாகம்) ஆகிய பகுதிகளுக்கு அதிக முக்கியத்துவம் அளிக்க வேண்டும்.
இது வெறும் 25 வினாக்கள் என்றாலும், இதுவே உங்களின் வெற்றியை உறுதி செய்யும் ‘Deciding Factor’.
புதிய பாடப்புத்தகங்களைப் படிப்பதற்கு முன்பு, கடந்த 5 ஆண்டுகளின் வினாத்தாள்களைப் பாருங்கள்.
எந்தத் தலைப்பிலிருந்து அதிகமான கேள்விகள் கேட்கப்படுகின்றன?
கேள்விகள் எவ்வளவு ஆழமாக இருக்கின்றன? என்பதைப் புரிந்துகொள்ள இது உதவும்.
TNPSC-க்கு best books தமிழ்நாடு அரசுப் பாடப்புத்தகங்கள் (Samacheer Kalvi Books) and Professor academy books மட்டுமே.
6 முதல் 10-ஆம் வகுப்பு வரையிலான அனைத்துப் பாடப்புத்தகங்கள்.
11 மற்றும் 12-ஆம் வகுப்பில் தமிழ், வரலாறு, அரசியல் அறிவியல் மற்றும் பொருளாதாரம்.
ஒழுக்கம் இல்லாத படிப்பு வெற்றியைத் தராது. ஒரு நாளைக்குக் குறைந்தது 6 முதல் 8 மணிநேரம் ஒதுக்க வேண்டும்.
காலை (Fresh Mind): பொது அறிவு (General Studies) – கடினமான பாடங்கள்.
மதியம் (Dull Time): கணிதம் (Aptitude) – கணக்குகளைப் போட்டுப் பார்ப்பது உங்களைத் தூக்கத்திலிருந்து விடுவிக்கும்.
மாலை/இரவு: பொதுத் தமிழ் – வாசிப்பதற்கும் மனப்பாடம் செய்வதற்கும் ஏற்ற நேரம்.
படித்த அனைத்தையும் நினைவில் வைத்துக்கொள்வது கடினம். எனவே, முக்கியமான தகவல்களைக் குறிப்பெடுங்கள்.
ஆண்டு, பெயர்கள், விதிகள் (Articles) ஆகியவற்றைத் தனி அட்டவணையாக (Table) எழுதுங்கள்.
சுருக்கமான மைண்ட் மேப்கள் (Mind Maps) மற்றும் ஃப்ளோசார்ட்டுகள் (Flowcharts) பயன்படுத்துங்கள்.
கணித சூத்திரங்களுக்குத் தனி நோட்டுப் போடுங்கள்.
படித்ததைச் சோதித்துப் பார்க்கத் தேர்வுகள் அவசியம். வாரம் ஒருமுறை ஒரு முழு மாதிரித் தேர்வை (200 வினாக்கள்) எழுதிப் பாருங்கள்.
எங்கே தவறு செய்கிறீர்கள்?
நேரம் மேலாண்மை (Time Management) சரியாக இருக்கிறதா?
என்பதைக் கண்டறிந்து திருத்திக்கொள்ளுங்கள்.
தினசரி செய்தித்தாள்களை (தினமணி அல்லது தி இந்து தமிழ் திசை) வாசிக்கும் பழக்கத்தை ஏற்படுத்திக்கொள்ளுங்கள்.
அரசின் புதிய திட்டங்கள், விருதுகள், விளையாட்டு மற்றும் அறிவியல் கண்டுபிடிப்புகள் குறித்துச் சுருக்கமான குறிப்புகளை எடுங்கள்.
தமிழ் மற்றும் கணிதத்தில் 125/125 எடுப்பது எப்படி?
குரூப் 4 தேர்வில் தமிழ் (100) மற்றும் கணிதம் (25) ஆகிய இரு பகுதிகளையும் சேர்த்து மொத்தம் 125 வினாக்கள்.
இதில் 120-க்கும் மேல் எடுத்தால் உங்கள் வேலை 90% உறுதி.
தமிழ் நுணுக்கம்:
பழைய புத்தகங்களில் உள்ள செய்யுள் மற்றும் இலக்கணப் பகுதிகளை ஒருமுறை மேலோட்டமாகப் பார்த்துவிட்டு, புதிய புத்தகங்களை அக்குவேறு ஆணிவேறாகப் படிக்கவும்.
கணித நுணுக்கம்:
ஒவ்வொரு தலைப்பிலும் (Simple Interest, Compound Interest, LCM, HCF) குறைந்தது 50 கணக்குகளையாவது பயிற்சி செய்ய வேண்டும்.
‘Shortcuts’ கற்றுக் கொள்வது நேரத்தை மிச்சப்படுத்தும்.
ஆரம்பக்கால மாணவர்கள் தவிர்க்க வேண்டிய தவறுகள்
தேதி அறிவிப்பிற்காகக் காத்திருப்பது: நோட்டிபிகேஷன் வந்த பிறகு படிக்க ஆரம்பித்தால் சிலபஸை முடிக்க முடியாது. இப்போதே தொடங்குங்கள்.
அதிகப்படியான மெட்டீரியல்கள்:
பல அகாடமி நோட்ஸை வாங்கி குவித்து வைப்பதை விட, ஸ்கூல் புக்கை மட்டும் 10 முறை படிப்பது சிறந்தது.
திருப்புதல் (Revision) செய்யாமை:
வாரம் முழுவதும் படித்ததை ஞாயிற்றுக்கிழமை கண்டிப்பாகத் திருப்புதல் செய்ய வேண்டும். இல்லையெனில் அனைத்தும் மறந்துவிடும்.
4 முதல் 6 மாதங்கள் முழுமையான உழைப்பு தேவை.
2 முதல் 3 மாதங்கள் தீவிர திருப்புதல் மற்றும் தேர்வுகள் போதுமானது.
எங்களின் சிறப்புப் பயிற்சி – உங்கள் வெற்றிக்கான ஊக்கமருந்து!
உங்கள் தயாரிப்பை எளிதாக்க Professor Academy பல்வேறு வசதிகளை வழங்குகிறது:
சிறந்த ஆசிரியர்களின் நேரடி வழிகாட்டுதல்.
தினசரி, அலகுவாரியான மற்றும் லீடர் போர்டு வசதியுடன் கூடிய தேர்வுகள்.
உங்கள் வீட்டிற்கே தேடி வரும் முழுமையான மெட்டீரியல்.
தேர்வுக்கு முந்தைய முக்கியமான கடைசி நேரப் பயிற்சி.
OMR தாளுடன் கூடிய நிஜத் தேர்வு அனுபவம்.
TNPSC குரூப் 4 என்பது வெறும் தேர்வு மட்டுமல்ல, அது உங்கள் வாழ்வாதாரத்தை உயர்த்தப்போகும் ஒரு ஏணி.
போட்டி அதிகமாக இருந்தாலும், திட்டமிட்ட உழைப்பு ஒருபோதும் தோற்காது.
“தொடர்ந்து முயல்பவனுக்குத் தோல்வி என்பது ஒரு அனுபவமே தவிர முடிவு அல்ல.”
இன்றே உங்கள் வெற்றிக்கான பயணத்தைத் தொடங்குங்கள்!
மேலும் விவரங்களுக்கு எங்களது மொபைல் ஆப்பை பதிவிறக்கம் செய்து, இலவச டெமோ வகுப்புகளைப் பாருங்கள்.
Hi!
